ENGLISH
Edrychwch ar y ffactorau a ddisgrifir yma fel y gallwch ddechrau meddwl am y ffordd y gallai ffactorau gwahanol gael effaith ar eich iechyd cyhyrysgerbydol a’r symptomau sydd gennych.
Sut y dechreuodd
Mae rhai problemau yn dechrau wedi anaf, fel cwymp. Gall eraill ddeillio o wneud mwy o weithgarwch nag a wnewch fel arfer, megis mwy o arddio, neu ddechrau gweithgaredd neu hobi newydd. Weithiau nid oes un achos amlwg.
Sut y’n gwnaethpwyd
Gall ein gallu i symud yn dda gael ei effeithio gan ein gwahaniaethau unigol. Gall y rhain ddeillio o’r hyn yr ydym wedi ein geni gyda nhw, beth sy’n digwydd i ni, (e.e. anafiadau blaenorol, llawdriniaeth, cyflyrau meddygol, gwaith), a sut rydym yn heneiddio.
Sut rydyn ni’n symud
Mae angen symudiad, gweithgaredd a phwrpas arnom i gadw’n iach. Mae hyn yn bwysig waeth beth fo’n hoedran. Mae gweithgarwch rheolaidd yn helpu ein corff i ymdopi â’r hyn yr ydym am ei wneud ac y mae angen i ni ei wneud.
Chwiliwch am wybodaeth am fanteision gweithgarwch ac ymarfer corff a chyngor ar beth i’w wisgo ar eich traed yng ngham tri, i ddeall sut y gall hyn gael effaith ar eich esgyrn, eich cymalau a’ch cyhyrau.
Beth yr ydym yn ei feddwl a sut rydyn ni’n teimlo
Mae ein meddyliau a’n teimladau yn dylanwadu ar ein profiad o boen a sut rydym yn ymateb iddo. Er enghraifft, gall bod yn bryderus neu’n isel wneud i’n symptomau deimlo’n waeth a newid ein hymddygiad.
Gall teimlo’n dawel eich meddwl ac yn hyderus ynglŷn â beth i’w wneud ein helpu i symud yn well ac adfer yn dda.
Pa weithgareddau rydym yn eu gwneud a sut rydym yn eu gwneud
Mae ein corff yn addasu i’r pethau rydyn ni’n eu gwneud bob dydd. Mae gwneud gormod o’r un peth, er enghraifft perfformio’r un symudiad mewn sefyllfa letchwith neu eistedd yn rhy hir, yn ein rhoi mewn perygl o ddatblygu problem yn y cyhyrau, mewn cymal neu asgwrn.
Mae rhoi amser i’n corff addasu’n raddol i weithgareddau a gofynion amrywiol yn lleihau’r risg hon ac yn ein helpu i symud yn well a gwneud yr hyn yr ydym am ei wneud ac y mae angen i ni ei wneud.
Pa mor heini ac iach rydyn ni
Er mwyn gwneud yr hyn sy’n bwysig yn llwyddiannus, mae’n bwysig bod yn ddigon cryf, hyblyg a heini. Gall ein cwsg a’n hiechyd meddwl effeithio ar ba mor dda rydym yn ymateb i heriau bywyd.
Bydd ein dewisiadau ffordd o fyw o ran deiet, alcohol, ysmygu a gweithgarwch yn effeithio ar iechyd ein cyhyrau, cymalau ac esgyrn.
